Pynliem ka Langsning FC haduh 5-1 pyrshah ia ka Ryntih ha ka lympung ialehkai SPL
Ka Langsning FC ka la lah ban pynliem noh ia ka Ryntih SC haduh 5-1 ha ka lympung ialehkai Shillong Premier League kaba la long haka sngi Thohdieng ha madan SSA Stadium Ist Ground, Polo.
Haba sdang ka jingialehkai ha ka kylla step, ka Ryntih ka la ioh ia ka lad ban pynkhih jar nyngkng lyngba u Aatish Rai ha ka minit kaba 17, hynrei ka Langsning ka la lah ban banbor bad ioh pynphai 2 kol lyngba u Welbert Marbaniang ha ka mimit kaba 42 bad u Dapmonlang Pathaw ha ka minit kaba 49.
![](https://www.syllad.com/wp-content/uploads/2024/09/JIT-Vacancy-823x1024.avif)
Haba bteng ia ka jingiakhun ia ka kylla miet ka Langsning ka la nang kham ioh bor shuh shuh bad ioh ban thep biang sa 1 kol lyngba u Dawandappura Biam Pathaw ha ka minit kaba 60, hadien la pynbud biang sa 1 kol lyngba u Kordor Dkhar ha ka minit kaba 84 bad shwa ban kut ka jingialehkai u Wilbert Marbaniang u la ioh ban khyrwit biang sa shi kol ha ka minit kaba 87.
Mynta ka Langsning ka la don ha ka kyrdan kaba lai da kaba ioh ban khur 15-point, kata kaba ia ryngkat bad ka Shillong Lajong FC kaba dang don sa kawei ka jingialehkai.
Haka 4 tarik sngi Saitjain yn sakhi ia ka jingialehkai jong ka round kaba khatduh eh hapdeng ka Mawlai SC bad ka kynhun kaba don shatrai eh ka Nangkiew Irat SC ha ka por 3:15 janmiet.
Mynta ka Mawlai ka la don ha ka kyrdan kaba saw bad ioh ban khut 13 point bad kan poi sha ka kyrdan kaba ar lada kan ioh biang ia ka jingjop. Katba ka Nangkiew Irat kan poi ha ka kyrdan kaba hynriew lada kan ioh ia ka jingjop ha kane ka jingialehkai.
Leave a Reply