Pynliem ka Rangdajied United iaka Shillong Lajong da 1-0 ban rung sha ka final jong ka SPL

Syllad | The Rising MeghalayaMay 8, 2024

Ka Rangdajied United FC ka la kylla long ka kynhun kaba nyngkong ka ban leit sha ka final jong ka lympung ialehkai Shillong Premier League 2023, hadien ba ka la lah ban pynliem noh ia ka Shillong Lajong FC da 1-0 ha ka jingiakhun ia ka semifinal kaba la long haka 7 tarik Jymmang ha madan SSA First Ground, Polo.

Ka jingialehkai ka long kaba mar ia biang bor ha kaba sdang jong ka kylla step, hynrei dei tad hadien ka minit kaba 31 ba u rangialehkai ka Rangdajied u Arlangky Nongsiej u la ioh ban pynkhih jar lyngba ka penalty bad kaba dei ka kol kaba la pynskhem syndon ban ioh rung sha ka final jong ka SPL.

Kane ka penalty ka la wan long hadien ba u Henry Nongneng ula kum woh kjat ia u rangialehkai ka Rangdajied u Robert Khongjoh haka kut u nongap kol. Ha ka jingialehkai kaba la dep hapdeng kine ki artylli ki kynhun, ka Rangdajied ka la lah ban pynrem ia ka Lajong da 2-1 ha ka jingialehkai kaba la long ha ka 13 tarik u bnai ba ladep.

Mynta ka Rangdajied kan hap ban ap iano kan ia aireng ha ka jingialehkai final hadien ka jingialehkai haka sngi Balang 8 tarik Jymmang, ha kaba ka lahduh jong ka samoi ba la dep ka Mawlai SC kan iakhun pyrshah ia ka Langsning FC ha ka semi final kaba ar ka ban long ha madan SSA Stadium ha ka por 3:15 jan miet.

Haba sha ka jingialehkai ka Rangdajied haka sngi ba ar, la sakhi ia ka sap ialehkai ba tbit jong ka Rangdajied kaba la ialeh da kaba jai jai khlem da kyrkieh ban tur palat shakhmat khamtam mar ia ioh thep ia ka shi kol, kata hadien ki katto kante ki jingpyrshang.

Kumjuh na ka liang ki rangialehkai ka Lajong ki la pyrshang borbah ban ioh pynkhih jar da kaba ialeh ban ai bok sha u Deibormame Tongper uba la ioh ban thep bun kol eh ha kane ka samoi ialehkai SPL, kata da 8 kol hynrei watla u la ioh ia ki laitylli ki kabu ban shu hynrei kam shym la seisoh satia.