Pynliem ka Ryntih SC ia ka Nangkiew Irat da 3-1 ha ka Shillong Premier League

Syllad | The Rising MeghalayaApril 12, 2024

Ka Ryntih SC ka la poi biang ha ka kyrdan kaba saw ha ka jingialehkai jong ka Shillong Premier League 2023-24 da kaba pynliem noh ia ka Nangkiew Irat SC da 3-1 ha ka jingialehkai kaba la long ha madan SSA Stadium, Polo haka 11 tarik Iaiong.

Ka Nangkiew Irat lyngba u Banshanlang Nongdhar ka la ioh ban pynkhih jar nyngkong ha ka minit kaba 16′ jong ka kylla step, hynrei ka Ryntih ka la lah ban ialehkai bha haba wanphai ha ka kylla miet bad ioh bad ioh ban pyniakhad lyngba u Banehskhem Khongsdam haka minit kaba 55′.

Hadien na ka liang ki rangialehkai ka Ryntih ki la lah ban banbor pyrshah ia ki rangialehkai ka Nangkiew Irat ha kaba ka la ioh ban thep biang sa shi kol lyngba u Andy Mawthoh haka mint kaba 73′ bad Lalrosanga ha ka minit kaba 83′.

Ka Ryntih mynta ka la ioh ban khur hynniew point hynrei ka la dep ban ialehkai kham buntylli ki jingialehkai, kata haduh san sien haba ia nujor bad kiwei pat ki team. Mynta ka la ia ryngkat point bad ka Mawlai SC kaba ki la iakhaid da 1-1 ha ka jingiakhun kaba la long ha ka 23 tarik u Lber ba la dep. Katba ka Nangkiew Irat ka la neh ha ka kyrdan kaba hynniew bad ia ryngkat bad ka Nongthymmai. Hynrei ka Nangkiew Irat ka la kham ioh kabu hadien ba ka la ioh ia ka jingjop hadien ka jingialehkai kaba la long ha ka 25 tarik u Lber ba la dep.

Ka jingialehkai lashai ka sngi 12 tarik Iaiong kan long hapdeng ka Nongthymmai SC pyrshah ia ka Lahduh barim ka Mawlai SC ha ka por 3 baje janmiet.