Pynliem ka Sawmer SC ia ka Nongthymmai da 2-1 ha ka jingiakhun ba khatduh jong ka SPL
Ka Sawmer SC ka la ioh ia ka burom kaba khatduh jong ka da kaba pynliem noh ia ka Nongthymmai SC da 2-1 ha ka jingiakhun kaba khatduh ka jong ki ha kane ka lympung Shillong Premier League 2023 ha madan SSA Stadium, Ist Ground Polo, Shillong haka 30 tarik Iaiong.
Ka Sawmer SC ka la lah ban ialehkai bha naduh mar ia sdang jong ka kylla step ha kaba u rangialehkai shakhmat jong ka u Shining Nongdhar u la ioh ban pynkhih jar tang ha ka minit kaba 11 katba u Rheadolf N Daloi u la ioh ban bynrap shuh shuh sa 1 kol ha k minit kaba 30.
![](https://www.syllad.com/wp-content/uploads/2024/09/JIT-Vacancy-823x1024.avif)
Watla ka Nongthymmai ka la pyrshang ia kiba bun ki lad ban ioh pynphai kylliang hynrei kam shym la lah ban thaw pyrthei ha ka kylla step. Hynrei haba wanphai sha ka kylla miet, ka Nongthymmai ka la ioh ia ka lad ban pynkhih jar lyngba u Rabi Hansda ha ka minit kaba 67.
Ka Sawmer ka la pynkut noh ia ka jingiakhun ha kane ka SPL da kaba ioh ban khur 6 point, kata nalor ka jingjop ha ka jingiakhun pyrshah ia ka Ryntih SC, katba ka Nongthymmai ka la neh ha ka 3 point da kaba pynliem ia ka Nangkiew Irat. Kane ka jingjop mynta ka sngi ka la kyntiew ia ka Sawmer ha ka kyrdan kaba hynriew hynrei ka Nangkiew Irat ruh ka la ioh 3 point hynrei ka dang don sa artylli ki jingialehkai ki ban dang iakhun.
Ka jingiakhun haka 1 tarik sngi Balang kan long hapdeng ka Nangkiew Irat pyrshah ia ka Shillong Lajong FC ha ka por 3:15 nohphai sngi.
Leave a Reply