Pynliem ka Wahiajer Narpuh da 7-1 iaka Khliehriat West 1st Div ka EJHDFA

Syllad | The Rising MeghalayaOctober 25, 2024

Ka hat-trick lyngba u Santosh Taron kala pynlong iaka Wahiajer Narpuh YSSC ba kan khur jingjop kaba bun kol da 7-1 pyrshah iaka Khliehriat West haka 1st Division Football Tournament ba la pyniaid da ka East Jaintia Hills District Football Association (EJHDFA) kaba long ha madan artificial turf Diengshynrum haka 25 tarik u Risaw.

Katba ka jingialehkai hapdeng ka Diengshynrum pyrshah iaka Byndihati kala kut khlem don mano mano ba ioh pynkhih jar.

U Santosh Taron ka Wahiajer Narpuh marwei ula khyrwit iaka hat trick lyngba ki kol kiba ula thep haka minit 26, 37, 41. Sa saw kol ka Wahiajer kala thep lyngba u Paila Mukhim (49), Den Mukhim (80), Bantei Sumer (85) bad u Any Manner (88).

Shikol ban lait brut ka Khliehriat West kala ioh thep lyngba u Silgrak Pala (78).

Haka 26 tarik Risaw ka jingialehkai kan long hapdeng ka Bataw YWSC bad Lumshken SC haka por 12.00 baje mynsngi, ka Tpepswer SSWO bad Rymbai Wahshnong SC haka por 2.30 baje nohphai sngi.