Pynlong CKDS Khliehriat ia ka HIV/AIDS bad STI screening haki shnhong ha Rymbai

Syllad | The Rising MeghalayaMarch 28, 2022

Ka Chankylliang Development Society (CKDS) hapoh ka project Link Worker Scheme (LWS) da ka jingkyrshan naka Meghalaya AIDS Control Society (MACS) ka lah ioh sa shisien ban pyllong ia ka Village Level Awareness Camp (VLAC) bad screening na ka bynta u khniang jingpang ba la tip kum u HIV/AIDS.

Ha kane ka Programme lah pyniaid da ka Memjuklet Pala (Incharge) ba dei peit ia ka shnong Rymbai bad la ai jingkren pdiang sngewbha da I Secretary jong ka shnong Rymbai u Mover Lyngdoh.

Hapoh kane ka programme la don ruh ka Resource Person ka Kong Rinibeth Patlong (Programme Manager TI, Khliehriat) kala batai pynsngewthuh ha kaba iadei kumno ban iada bad ban pynduna ia ka jingsaphriang bad pur stet jong u khniang jingpang HIV/AIDS.

La ioh jingbatai ruh na u Dauni Wanemi Sutnga, Zonal Supervisor ba dei peit hapoh ka Khliehriat shaphang u Red Ribbon ia ka Jingmut lane ka Shap (symbol) jong u HIV/AIDS bad kaei ka thong jong ka na ka bynta ka bha ka miat hapoh ka shnong ka thaw hi baroh kawei.

Ha ba ia kren shaphang u HIV/AIDS ka Kong Rinibeth, kala batai ba kumno une u Khniang u ktah ia ka met jong ki briew bad kumno ki lad jingiada khnang ban lah ban kiar na ka jing iabit kumjuh ruh ban pynduna ia ka jingsaphriang sted jong u HIV/AIDS.

Shuh shuh kala ong ba ka jingma ka ap iaki briew jong ka shnong lada kim shimkhia ban sumar bad ban leh ia ka test bad ban dih dawai ha ka por ba biang kalah ban wallam sha ka jingma ban sha ka jingiap ruh de. Kala pynshlur ruh ia ki khynnah samla, rangbah longkmie bad longkpa ban wan shakhmat ban leh ia ka test khnang ban tip ia ka jinglong lajong bad ka test ruh ka long kaba ai ei da ka sorkar.

Hadien ba lah kut ka jingkren, na ka liang jong ka ophis ka la pyllong ruh ia ka HIV/AIDS bad STI screening kata ban test ia ka snam lada u ne ka briew ki don ne em ia u khniang jingpang. Bad katto katne ki paid nongshong shnong ka Rymbai ki la ia shimkhia ban wan shakhmat ban leh ia ka screening bad baroh khoit ki la long kiba bha.

Ha kaba Pynwai ia ka Programme la ai ia ki kyntien ai khublei da ka Zonal supervisor Haphadahun Sympli ia baroh ki nongshongshnong ka Rymbai kumjuh ruh ia kiba ai jingkyrshan da kaba ki la pyllait ia ka por khnang na ka bynta ka jingjop jong kane ka jingpynsngewthuh paidbah.