Pynlong ‘Flash Mob’ ban kyntiew iaka Meghalaya Games ha Jowai Wahiajer, jurip u Commissioner Secretary Sports iaki jaka ialehkai

Syllad | The Rising MeghalayaJanuary 17, 2025

Kum shibynta ban pynshongshit bad kyntiew iaka Meghalaya Games kaba hynriew ha Jowai bad Wahiajer la pynlong iaka flash mob ne ka jingshad paidbah da ka kynhun Megha Warrior ha Iawpynsin, Wahiajer haka 16 tarik Kyllalyngkot.

Kane ka lympung ialehkai ka Jylla yn plie paidbah iaka haka 21 tarik Kyllalyngkot bad yn pynkut haka 25 tarik Kyllalyngkot.

Ha kane ka juh ka sngi u Commissioner & Secretary ka Sports and Youth Affairs ka sorkar jylla u Dr. Vijay Kumar ula hiar sha West Jaintia Hills ban leit jngoh iaki jaka sah, jaka bam bad jaka ialehkai ba la pynkhreh na ka bynta ka 6th Meghalaya Games ha Jowai bad Wahiajer.

Haba iakren bad ki lad pathai khubor hadien ka jingleit jngoh u Dr. Vijay Kumar ula iaroh halor ka jingpynkhreh pynkhrum kaba dang iaid artad shait shait. 

Da ka jingwan ka Meghalaya Games, ka Jowai kala ioh iaka dur kaba thymmai namar la pynbha pynmiat iaki jaka ialehkai, ki iing Community Hall nalor kiwei kiwei.

Ha kaba iadei bad ka jingtei iaka Swimming Pool ha Jowai, u Dr. Kumar ula ong ba kan dang shim por ban pyndep iaka jingtei, nalorkata ha kaba iadei bad ki jingtei jingshna kiba dawa bha kum ka jingpynbiang bording ha Wahiajer, ki jaka peitkai ha Kiang Nangbah Stadium. Ula pyntip ba ka jingpyntrei kan iai bteng wat hadien ka lympung. 

La synran ia u Dr Vijay Kumar da ki nongialam ka MSOA ryngkat ki ophisar sorkar.

Meghalaya Games: Jop ka East Khasi Hills, East Jaintia Hills bad kiwei haka football ki kynthei