Pynlong jingialang ka DLSA bad bor synshar district WJH halor ka thong jong ka United Nations

Syllad | The Rising MeghalayaOctober 22, 2021

Ka United Nation kan rakhe iaka lyngkhuh snem ba la seng ia ka haka 24 tarik Risaw bad naduh u snem 2015 ka UN kala khot ia baroh ban pynkut iaka jingduk jingkyrduh haka pyrthei bad ban iada iaka sla pyrthei bad ban pynthikna ba ha u snem 2030 baroh u briew un ioh iaka jingsuk bad ka roi ka par salonsar.

Kum shibynta ban rakhe iaka lyngkhuh snem ka UN, ka District Legal Service Authority (DSLA), West Jaintia Hills ha ryngkat ka jingiatreilang bad ka bor synshar District, West Jaintia Hills kala pynlong iaka prokram kaba lyngkot ha DC conference room halor ka phang “Talk on SDG Programme & 2030 Agenda of the United Nations.”

Ka thong jong ka UN kaba la tip kum ka SDG ne Sustainable Development Goals ki don haduh 17 tylli bad kine ki ktah kawei ia kawei bad kumta ka UN ka buh iaka thong ban wanrah iaka jinglong ryngkat ha baroh kiliang kata haka imlang ka sahlang, ka ioh ka kot bad ban tyngkai iaka jingai ka mariang naka bynta ka pateng ban wan.

U AS Mukhim u Additional Deputy haka jingkren ula kyntu ïaki sahep sorkar ban pyntrei hok ïa kino kino ki skhim sorkar kiba don la ka jong ka thong na ka bynta ban tei iaka jylla bad ka ri khnang ban wan ka roi ka par kaba salonsar.

Iaka jingialang la pyniaid da ka Kong RM Kharsyntiew Chief Judicial Magistrate-Cum-Secretary DLSA ha Conference Hall DC ophis haka 22 tarik une u bnai.

Kiwei kiwei kiba ai jingkren ki dei ka Kong DD  Syngngai, ADC, Ka Hessed Thabah bad u Arijeet Debnath Consultant ka Planning Department bad ki kyntien khublei na ka Sunita M. Sayoo Advocate.