Pynlong ka JSU iaka CEC ban ïathir halor ki kam pynroi bad pynbha iaka mariang ha rilum Jaintia

Syllad | The Rising MeghalayaOctober 9, 2021

Ka Jaiñtia Students’ Union (JSU) haka sngi Saitjai kala pynlong iaka jingïakynduh lang ki dkhot ka Central Executive Committee (CEC) ha Orchid Inn, Thadlaskein Mukhla kaba la wan iahsimbynta da ki nongialam ka JSU na kylleng kynthup ïa ki nongialam n aka Shillong. La iadonlang ruh ki dkhot barim ka JSU.

Iaka jingialang lah pyniaid da u president entral body u Jersom Shylla bad iaki mat iathir lah lam khmat da u general secretary central body u Treiborlang R Suchen.

Ka CEC kala shim ia kane ka sienjam ban wer lang ia baroh ki dkhot bad ki nongialam barim ban ia don ryngkat ha ka sngi rakhe dap 50 snem ka JSU. Ka JSU ka shim ruh iaka rai ban tei noh la ka jong ing treikam ne ka ophis treikam ha Jowai.

U Treiborlang haka jingpyllait khubor ula iathuh b aka jingiakren ha ka CEC kalong ban dawa beit n aka sorkar ban pyntreikam iaka Inner Line Permit (ILP) kaba ka JSU naduh ki nongialam kiba rim kata naduh u snem 1983 ter ter ka ieng haka nongrim ban dawa ban pynioh ILP hapoh ka jylla Meghalaya baroh kawei.

Ula ong ruh ba ka CEC ka rai ba kan ym kynran dien bad pyrshah beit  ia ka jingden ia ka wah Umngot ban pynmih bording ka MeECL namar ba kan ktah iaka kam rep kamriang jong ki shnong kiba sharum ka shnong Moosakhia ka jaka kaba la thmu ban shna iaka projecdt pynmih bording.

Shuh shuh ka CEC ka JSU kala rai ban ieng pyrshah  ia ka jingleh bor ka sorkar jylla ban iarap iaka Star Cement ban pynioh Environmental Clearance na ka sorkar kmie wat haba ka sorkar ka tip shai ka ktah iaka wah ka bad ki  doh um bad ki khlaw ki btap kum ka Narpuh Wildlife Sanctuary bad Eco Sensitive Zone bad ka jingpynjaboh iaka Wah Lukha.

Ka CEC kan dawa na ka sorkar wanrah ia ka tnat pule kaba biang hapoh ri lum Jaintia, ban dawa ban wan rah ia Extension Building jong ka Kiang Nangbah Government college bad skul sorkar ha East Jaintia Hills bad ban dawa ban shna noh iaka Civil Hospital hopoh East Jaintia Hills District.

Ka JSU kala ong ba kine ki mat kiba ka JSU kala shim kan nym kynran dien ne pyndem ha khmat ka sorkar, tad haduh ba kala ioh ia ki mat jingdawa ban myntoi ka rilum Jaintia.