Pynlong ka MVTTA ia ka “Meghalaya Masters TT Team Championships”

Syllad | The Rising MeghalayaAugust 13, 2024

Ka Meghalaya Veteran Table Tennis Association (MVTTA), ka la lah ban pynlong ia kawei pat ka jingiakob ba la tip kum ka “Meghalaya Masters TT Team Championships” kaba long kum shi bynta ban rakhe ia ka sngi pynneh pynsah mariang, kata ka jingiakop kaba la kynjoh sha ka sien jam kaba hynriew.

Ha kane ka kynti kaba mynta la pynlong ia kane ka jingiakob ha ka 10 tarik Nailar ha Polo Stadium, Shillong, ha kaba baroh ki nongialehkai Table Tennis jong ki sngi bad ki snem kiba la leit noh, ba la niew ne khot ia ki kum ki masters na kylleng sawdong ki district ka jylla ki la wan ban iashim bynta.

Ki 8 tylli ki kynhun kiba la wan ban ia aireng bad iaknieh ban rah ia ka thong bad ka nam jop ki long ka Go Green, Stay Fit, Save Fuel, Swachh Bharat, Save Trees, Save Water, Save Earth and Protect Nature.

Ha kaba kut jong ka jingiakhun, ka kynhun ialehkai jong ka Stay Fit hapoh ka jingialam u Gilbert Sohtun bad paralok u Arup Nag na Tura ki la lah ban pynliem ia ka kynhun jong ka Save Earth ba lamkhmat da Sarwan Gareri, katba u Satish Pradhan ka Save Water u la ioh ban rah ia ka khusnam Player of the Tournament, bad ha ka juh ka por ka la don ruh ka khusnam ba kyrpang ba la sam sha u Subir Dey, halor u synniang ba u la noh bynta sha ka phutbol.

U kongsan ba la don lang ban sakhi ia ki jingiakhun, ki long u Nababrata Bhattacharjee u nongaibuit halor ka mariang jong u Myntri Rangbah ka jylla bad don lang ruh u Bruce Marak President MTTA, bah A.G West President MVTTA, Bishu P. Joshi Secretary MVTTA, Santanu Ghosh, Organising Secretary, Vijay Thapa, Treasurer MVTTA bad kiwei kiwei.