Pynlong ka NEHU’s Deen Dayal Upadhyay Community College Wahiajer da ka jinghikai pyntbit iaki nongseng kam

Syllad | The Rising MeghalayaNovember 1, 2024

Ka North-Eastern Hill University’s Deen Dayal Upadhyay Community College for Skill Development, Wahiajer kala pynlong iaka jinghikai kaba saw sngi lynter halor ka “Entrepreneur Development” ban hikai na ka bynta ban kyntiew bad ban pynjanai iaka jingpynbit ha ka kam seng kam lajong.

Kane ka jingai jinghikai kaba neh saw sngi kala sdang naduh ka 28-31 tarik u Risaw kaba la wan ban iashimbynta da ki nongseng kam na kylleng.

Ka riew shemphang ki kynthup iaka Jacqueline Nongkhlaw, Director, PNB, Rural Self Employment Training Institute (RSETI), East Khasi Hills District, Meghalaya kaba la ai iaki jingbatai halor kumno ban jop kum ki nongsengkam.

Prof. Prabha Shankar Shukla, Vice-Chancellor NEHU bad Prof. S.M. Sungoh, Principal (i/c) jong ka DDUCC, ki la pynpaw ïa ka jingkitkhlieh jong ka University ban kyntiew ïa ki briew ba kin wad bad pyndep ïa ka sap kumno ban seng kam lajong. Ka jylla ka donkam ka jingïatylli ha ka jingthaw jingmut bad jingpyrkhat thymmai ban ïai ïaid shaphrang. U Vice-Chancellor jong ka NEHU u la pynpaw ruh ba ki programme kum kine kin ai jingïada bad ki lad ïarap ïa ki briew ban kyntiew ïa ka kam ba ïadei bad ka ïoh ka kot jong ka ri. Kane ka jingïashim bynta na ki paidbah ka thain Jaintia Hills ka long kaba ïaroh, bad ki paidbah ki ngeit skhem ba ka DDUCC kan nang ïa kiew bad pynlong ïa ki kam kiba don jingmyntoi ha ki sngi ban wan.

Ka jingïalang pynwai ka la don ryngkat ka jingwan ïa bynta da u Associate Prof. Dr. David Pyngrope, uba dei u Public Relations Officer (PRO), NEHU, Shillong, kum u Kongsan. Ha ka jingkren jong u, u la ong, “Ki Entrepreneur ki dei kiba lah ban thaw ïa ki jingmut jingthaw thymmai, hynrei ka lynti sha ka jingjop ka long ka lynti kaba tlot. Ngi ïohi ba manla ki jingjop ba kordor jong ki nongshang pyrthei ki dei kiba ïatyngkhuh bad ki jingeh, hynrei ki ïai bteng ban ïaid shaphrang. Ka jingitynnad bad jingshemphang ki pynmih lad ïa ka jingjop ba long tynrai. Ka jingjop hi ka long ban ïaid na ka jingrem sha ka jingrem khlem da duh mynsiem.”

Ka jingïalang ka la kut da ka jingai khublei jong u Wolnish Rymbai (Programme Coordinator) bad ka jingïaid ka jingïapyni ïa ki Certificate sha ki nongïashim bynta.