Pynlong ka Thomas Jones Synod College iaka Career Counselling Cum CUET Awareness Programme

Syllad | The Rising MeghalayaDecember 5, 2023

Ka Thomas Jones Synod College, Jowai kala pynlong iaka Career Counselling Cum CUET Awareness Programme ha hall jong ka kolej haka 4 tarik Nohprah.

Ka jingpynlong ia kane ka jinghikai bad iasyllok bad ki samla pule kalong kum shibynta ban iarap iaki ha kaban jied iaki line pule bad ban pynkhreh ialade ban iakhun iaka entrance CUET ne Common University Entrance Test hadien ka Class XII.

Iaka jingialang la pyniaid da ka Vice Principal Higher Secondary Section ka Dr. I Dkhar haka jingdon ki spah ngut ki samla pule kane ka kolej bad ki nonghikai.

U Principal ka Kolej u Dr. DG. Lyngdoh haka jingkren lamkhmat ula ong, ka jingbtin lynti bad jinghikai ka long kaba donkam bha iaki khynnah ba kin sngewthuh bad tip kaei ka jingthrang bad kaei kin jied na ka bynta ka lawei ka jong ki.

Ha kaba iadei bad ka CUET ula ong, ba ka long kaba donkam bha iaki khynnah pule ban iakhun ia kane eksamin namar ka long compulsory katkum ki kyndon jong ka UGC bad ruh kadei kawei na ki kyndon jong ka National Education Policy (NEP) kaba ka kolej ka la pyntreikam mynta u snem.

Ki riew shemphang kiba la ai jinghikai ki kynthup iaka Kong S. Phawa Assistant Proffesor Convener Career Counselling, Thomas Jones Synod College, ka Kong TB Lyngdoh Assistant Lecturer (Political Science Department) bad ka Kong R Lapasam Assistant Proffesor (HoD Botany).

Kila pynpaw ba don shibun ki lad jingpule ba ki samla pule ki lah ban leit hadien ba kila pyndep iaki jingpule Class XII, hynrei kaba kongsan ka long ba ki samla pule ki dei ban sngewthuh iaka jinglah bad ban jied iaka line pule kaba ki kwah ban bteng bad kam bha ban shu bud tynneng iaki paralok.

La pynsngewthuh ruh ba kaba kongsan hi kalong ba u/ka samla pule ki dei ban long kiba minit ban jop haka jingim pule puthi.

Ka Kong R Lapasam ka la batai bniah shaphang ka rukom pyndap form bad rukom pynkhreh iaka eksam CUET kaba pyniaid lyngba ki kor Computer.