Pynlong ka Tnat Arts & Culture da ka jingiakop rwai tynrai shibynta jong ka ‘Tribal Pride Week’

Syllad | The Rising MeghalayaNovember 10, 2023

Shi bynta jong ka ‘Gaurav Jan Jatiya Divas’ ( Tribal Pride Week ) na ka liang ka Tnat Arts & Culture ha ryngkat ka jingiatreilang bad ka Shillong Public School haka sngi Thohdieng ki la pynlong ia ka “State level Inter School Traditional Singing Festival cum Competition” hapoh Lariti Performing Centre shibynta ban plie ia ka rynsan bad ka kabu hapdeng ki khynnah skul kiba don ia ka sap ka phong ha ki kam rwai tynrai kaba long shibynta ban rakhe ia ka ‘tribal culture and music.’

Ka kynhun KC Lights Choir kaba la jop dang shen haduh artylli ki Gold Medal ha ka ‘International Choir Competition’ ruh ka la wan ban iashim bynta lang ha kane ka sngi ban pynshit pynshngain ia ka prokram.

Na ka liang u Bah FR Kharkongor Commissioner & Secretary Arts & Culture u la sam ia ka khusnam sha ki skul kiba la ioh ia ka jingjop ha ka jingiakop rwai para marwei kumjuh ha ka jingiakop rwai kynhun da kaba pynbna ruh ba ki nongjop kin ioh ia ka lad ban iashim bynta ha ka jingialang plie ia ka “Jan Jatiya Gaurav Divas” ka ban long ha ka 15 tarik mynta u bnai kumjuh ha ka ‘Tri Hills Ensemble programme’ ka ban long ha ka 24 tarik mynta u bnai ia kaba la khot pynlong da ka Tnat Arts & Culture.