Pynlong kongsan ka Sorkar Jylla ia ka Tribe Certificate ka KHADC ban ioh ST Certificate

Syllad | The Rising MeghalayaMay 24, 2024

Ka Sorkar Jylla ka la pynlong kongsan ia ka Tribe Certificate na ka bynta ki jaka kiba hap hapoh ka Khasi Hills Autonomous District Council (KHADC) ha kaba iadei bad ka jingai Scheduled Tribe Certificate ha ka Jylla.

U Myntri ka Tnat Social Welfare u Bah Paul Lyngdoh haba pyntip ia kane ha ka 23 tarik Jymmang, u la ong, “Kane ka bynta ka dei halor ka jingai ia ki SC/ST Certificate ha ka Jylla Meghalaya, ha kaba nalor kaei kaba la don hapoh ki kyndoh barim ngi la pynrung sa kawei ka kyndon kaba ong kumne: Kawei na ki jingdonkam ia kaba hap ban aiti ka kynthup ia ka Tribe Certificate na ki bor ba dei khmih na ka bynta ki jaka kiba hap hapoh ka KHADC kaba dei ban long kaba kongsan.

“Ia kane ym shym la kynthup lang satia baroh shikatta watla ka Tribe Certificate ba la ai da ka KHADC ka dei kabala treikam bad ithuh da ka ain. Kumta ruh kino kino kiba kwah ban pynrung kyrteng ia lade lane ban kam lane kwah ban rejistar kyrteng bad ban ioh ia ka ST certificate ki dei ban don ia ka Tribe Cerfitificate ba la ai da ka KHADC katkum ki kyndon ba la buh,” ong u Bah Paul.