Pynlong prokram ai jingsumar ka tnat shipai BSF ha South West Khasi Hills

Syllad | The Rising MeghalayaJuly 26, 2023

Ka tnat shipai Border Security Force (BSF) Meghalaya na ka 50 Bn haka sngi Balang kala pynlong ia ka prokram ai jingsumar lyngba ka Civic Action Programme jong ka hapoh BOP Bahadur Dist- South West Khasi Hills.

Ha kane ka prokram ki la don haduh kumba 400 ngut ki nongshong shnong na ka thain khappud kiba la ioh jingmyntoi lyngba ki dawai dashin bad ka jingsumar ei da ki doktor jong kane ka tnat shipai ha ryngkat ki dkhot napoh ka Civil Hospital Ampati, Tura.

Na ka liang ki nongshong shnong kumjuh ki nongialam shnong ki la ai ka jingiaroh halor kane ka sienjam ba la shim da ki shipai BSF bad ki kyrmen ruh ba kum kine ki prokram kin dang iai bteng hadien habud.