Pynlong prokram aijingsumar ka NEIR -YMCA bad ka Shillong YMCA ha Laitkyrhong

Syllad | The Rising MeghalayaAugust 30, 2023

Ka North East India Region of YMCA ha ryngkat ka jingïatreilang bad ka Shillong YMCA ha ka 26 tarik mynta u bnai ki la pynlong ïa ka prokram aijingsumar ei ne ‘Free Medical Camp’ hapoh ka shnong Laitkyrhong, Mawkynrew Block, EKHD.

Ha kane ka prokram la ia don lang i Dr WB Langstieh General Medicine, Dr Mebalariiaka Syiem Pediatric, Dr Warimeki Ryntathiang General Medicine, Bah Kynsai Chyne (Pharmacist), ki paramedical staff- Shillong, ki staff ka PHC Jongksha bad ki Rangers ka St Mary’s College hapoh ka jingialam Dr NC Nonglait bad Kong Yvonne B Nongrum na ka Medical team.

Kane ka prokram ka la aijingmyntoi shibun ia ki nongshong shnong jong ka thain kiba kham bun na ki kiba dei ki nongrep.Ha kane ka prokram la sam ei ruh ia ki dawai dashin ha kaba ki la don haduh palat 80 ngut ki briew kiba la ioh jingmyntoi, kata kham bun na ki, ki kynthei bad khynnah.

Ia kane ka Medical Camp la aijingkyrshan ruh da ka Social and Human Development, National Council jong ka YMCA ka India.

Ha kane ka sngi la ia don lang ruh u Udipta Fullonton, Secretary SHD, National Council of YMCA ka India, u Joe RZ Thanga, Youth Work & Property Committee Member, National Council ka YMCA ka India.

Na ka liang ka ophis jong ka North East India Region ka YMCA ka pynpaw ruh ka jingsngewnguh ia u Bah Shandroy Rynjah Rangbah Shnong, Dorbar Shnong Laitkyrhong, u Revd Banteinam Lyngdoh, ia ki Medical team, ki paramedical staff, volunteer, District Health Medical Officer bad ki dkhot jong ka Board ka Shillong YMCA halor ka jingai jingkyrshan ha kaba iadei bad kane ka bynta.Kane ka long katkum u kyrwoh lyngba u Bah SJ Thabah, Regional Secretary YMCA NEIR