Pynlong training cum exposure visit prokram ka KVK bad ka ATMA West Khasi Hills

Syllad | The Rising MeghalayaOctober 26, 2023

Ka ophis jong ka KVK West Khasi Hills District, Nongshillong ryngkat ka jingiatreilang bad ka Agricultural Technology Management Agency (ATMA), West Khasi Hills ki la pynlong ia ka training cum exposure visit prokram ha ka 25 tarik u Risaw 2023 ha KVK West Khasi Hills campus ha kaba la wan iashim bynta da kumba 52 ngut ki nongrep kylleng, kata kynthup na Mairang, Mawthadraishanbad Nongstoin C& RD Block.

Ha kane ka prokram la ia don lang ruh ka Kong B Chyne, Subject Matter Specialist (SMS) KVK East Khasi Hills kum i Resource person ban ai jinghikai halor ka phang ‘Integrated Pest Management of Vegetables’ ban ai jingpynshai shaphang ki jingpang bad ki khniang kiba pynjulor ia ki jhur ki mar rep bad ki lad jingsumar jingiada na kine baroh.

Kala batai bniah ruh halor ka phangeco-friendly measures and organic practices ban pyndonkam da ki Bio agents ki Bio pesticides kum ki need products, Trichoderma, ki khniang Beauveria, Trichogramma species bad kiwei de ki lad jingiada.

Nalor kata kala pynshlur ia ki nongrep ban pyrshang da kine ki lad sumar namar ki long kiba treikam bad myntoi shibun bad kyntu ruh ia ki ban pyndonkam da ki resistant bad tolerant crop varieties kata ki variety kiba kham lah ban shah ia ki jingpang bad ki khniang ban kham pynduna ia ka jingpynjulor ha ki mar rep.

Shuh shuh kala khot ruh ia ki paralok nongrep ban shim bynta ha kiwei ruh ki training kiba iadei ba ka jingsumar ia ki jingpang bad ki khniang ha ki jingthung ban shna ka dawai Neem extract, Bordeaux mixture ban ioh jingtip bniah kaban long ruh ka jinghikai ba myntoi ia ki ha ka kam rep.

Hadien ka training session la ialam ia ki nongrep sha KVK Farm ban sakhi da la  ki jong ki khmat ia bunjait ki jingpyni nuksa ne demonstration kum Vermicomposting unit, Oyster Mushroom, Buckwheat, Azolla culture unit bad khamtam eh kumno ban rep jhur hapoh polyhouse hapoh ka jingbatai jong u Bah H Sungoh, Farm manager, KVK West Khasi Hills.