Pynman ka KKC Loomkyrwiang Dorbar Chnong ya ka yakop dro dur wei thoh sur poitri chaphang u Kiang Nangbah

Syllad | The Rising MeghalayaDecember 24, 2023

Ka Khynroo Khyllood Committee Loomkyrwiang Dorbar Chnong kam chibynta ka dak i leh burom ya ka Lyngkhooh Snem Iap wa 161 U Kiang Nangbah ka wow man ha ka 30tarik Kmaichonglad ha kani ka taiaw iong ka 23tarik da pynman ko ya ka yakop dro dur wei thoh sur Poitri.

U Lewansa-O Laloo, Secretary KKC Loomkyrwiang Dorbar Chnong da ong u wa i pynman ya kani ka yakop toh chibynta wow khrin nae pynpsiah hei pyrkhat pyrdain ki khon ka dong ka chnat chaphang u Kiang Nangbah waman u Khlawait ka Ri Pnar-Ri 12 Dolloi wa da iap ha’u tylle phasi ka sorkar Phareng.

Chooh chooh da khana u leh wa ha ka 30tarik Kmaichonglad ka Dorbar Chnong darai ko wow pynman ka yalang kynmoo burom ya ka Lyngkhooh snem Iap wa 161 iong-o ha yungwalieh heiwa daw em i klam i kappe na ki waheh wasiang wa kiwi ki prokram wa yatoh wow Kiang Nangbah.