Pynneh ïaka rai u Dolloi Jowai ong ki 1437 ngut ïa u CEM JHADC
CEM Badon burom,
Ngi kiba soi kyrteng harum ba shong basah haka Shnong Khliehtyrshi ngi dap da ka jingsngewsih ia ka jingshah pynsangeh ia ka Dorbar ha ka sngi shong Dorbar haka 03/10/2019 ba ki katto katne ngut ki la kiew shalor stage bad dawa pynsangeh ia ka Dorbar hakhmat u Pa Dolloi bad ki riew rangbah jong ka Shnong, kat haduh ba U Pa Dolloi um banse ban pynmih lut ia ngi baroh shabar ka Hall khnang ban lait na ka jingkulmar bad ha kane ka por ngi kwah bad kyrpad ia phi kumne harum:
![](https://www.syllad.com/wp-content/uploads/2024/09/JIT-Vacancy-823x1024.avif)
- Ngi kyrpad ia phi wat pynsangeh shuh iaka jingjied Waheh Shrnong ha ka Shnong jong ngi da ka Secret Ballot kumba la dep pynbna da u Pa Dolloi ha katei ka sngi shong Dorbar 03/10/2019 ka ban long ha ka 21/10/2019.
- Ngi kiba soi kyrteng harum ngi kular ban shimkhia iaka jingkit khlieh ban ia trei lang ryngkat bad u Pa Dolloi bad kiwei de ki nongpyniaid ia ka Election jied Waheh Chnong ha katei ka sngi naka bynta ka shongsuk shong sain bad burom ka Shnong baroh kawei, ngi hi ngin kyrpad ruh ia u Secretary Shnong barim katkum ka jingiakren pynbeit ban buh ia ki Volunteer bad Police.
- Ngi pdiang ia ka rai jong ka Dorbar Shnong 03/10/2019 ba ia ka kam ba u Pa Dolloi u lah dep tohkit kaba u la ailad ia ki paidbah ban iakren kaba ki paidbah kila kyrshan ban aiti sha ka Executive Body kaba thymmai ban bishar bniah iaka namar ba ka Execuive body barim jong ka Shnong ki la dep pynbna ia ka Report jinglut jingsep bad jingmih jong ka Shnong ha ka Dorbar kaba lah dep shong ha ka 23/08/2019.
- Ngi kum ki paidbah ba soi kyrteng harum ngin ym pdiang da u Acting Waheh Shnong kat kum ba la iakren ha katei ka Dorbar 03/10/2019 namar ba u Pa Dolloi u la pynsngew bad pan bor na ngi ki paidbah ban jied Whaheh Shnong ha katei ka sngi bad ngi ki paidbah ngi la mynjur ban jied noh da u Waheh Shnong ba pura.
- Ngi dap da ka mynsiem kaba kmen ba hadien ba u Pa Dolloi u la pynmih lut iangi u paidbah shabar naka Dorbar Hall Mookyniang Khliehtyrshi ban lait naka huri hura bad ba u Pa Dolloi u la dep shong Pyrkhat lang bad ki riew Rangbah ryngkat bad u Local MDC Shri Lakhon Dkhar ha katei ka sngi shong Dorbar bad da ka jingia mynjur lang u Pa Dolloi u la kren iangi ki paidbah bad pynbna hakhmat ki paidbah ban pynsangeh shwa iaka jingjeid Waheh Shnong ha katei ka sngi bad ban jied noh da ka jingiathep Vote (Secret Ballot) haka 21/10/2019, kaba long ka lynti kaba kham bha kat kum ka jingsngew jong ngi.
- Ngi la ioh pdiang ia ka notification jong u Pa Dolloi lyngba u Secretary bad Chairman Shnong barim jong ka Dorbar Shnong ha ka 04/10/2019 na ka bynta ka Election jied Waheh Shnong ha ka 21/10/2019 bad katkum katei ka notification ngi ki paidbah ngi la pdiang sngewbha ia katei ka jingpynbna jongu Pa Dolloi.
Kumta ngi kyrpad jur iaphi sa shisien wat pynpep shuh ia ka jingjied Waheh Shnong kumba u Pa Dolloi u la dep pynbna namar katba dang slem ban ioh ia u Waheh Shnong bad ki Dkhot Shnong ba pura ki jingeh jong ngi kum ki paidbah kin nangmih na kawei ka sngi sha kawei pat ka sngi, ngi hi ngin ia trei lang ryngkat bad ka Office jongphi ryngkat bad u Pa Dolloi na ka bynta ban iaid beit ka jingia Jied Waheh Shnong ha katei ka sngi.
- Na ki 1437 ngut kiba soi kyrteng kiba la kyrpad ia u CEM JHADC ban nym pynpep ïaka jingjied Waheh Shnong Khliehtyrshi.
Leave a Reply