Pynneh ka Dorbar Shnong Khimusniang iaka rai ialap elekshon; mynta ka kynti ruh da ka common platform

Syllad | The Rising MeghalayaFebruary 5, 2025

Ka Dorbar Shnong Khimusniang, Jowai kaba la dep rai naduh u snem 2019 iaka rukom ialap elekshon kynthup iaka MDC Election na ka bynta ka 19 Jowai South Constituency bad ka MLA Election 2023 na ka bynta ka 2- Jowai Constituency mynta ka kynti ruh kala rai ban pynneh bad ban pynlong iaka jingialap elekshon ski kyrtong hapoh shnong da ka Common Platform.

U Ma T.S Bamon, Waheh Chnong, Dorbar Chnong Khimusniang, Jowai ula pyntip ba ka Dorbar Shnong ka la rai ruh ba ha man ba long ki Election Meeting nangne sha khmat yn pynlong beit da ka Common Platform.

Mynta ka kynti ruh ha ka jingïadei bad ka Meeting Election MDC 2025, yn sa pynlong biang da Common Platform ha ka 14.2.2025, ha ka por 7:30 PM ha Indoor Sports Hall jong ka Shnong jong ngi halor kine ki kyndon harum:

Kat kum ka rai jong ka Dorbar Shnong Khimusniang, Jowai ba naduh ki snem ba mynshuwa, ba ym shah ïa ki candidate ban ïalam ïa ki paitbah nabar hapoh ka shnong jong ngi. Bad yn shah tang san (5) ngut ki briew kiba nabar kynthup ïa u Candidate bad 2 tylli ki kali.

Ki Rai ka Dorbar Shnong Mynthong, Jowai kiba iadei bad ka Election MDC

Yn shah tang ïa u Candidate ban kren bad pynshai ïa ki nongrim kiba u ïeng ïa leh Election bad ka por kan long 30 minute marwei.

Ïa ka pali ki nongkren yn leh da kaba khalai nusip (drawn by lots).

Ym shah ïa u/ka nongkren (Canvasser) ban ïa beiñ ïa kynnoh ïa kiwei pat, hynrei ki dei ban kren beit ïa  ka nongrim ba ki ïeng ïaleh.

Ki kyrtong ki dei ban burom ia ka rai ki Dorbar Shnong: Cyril Diengdoh

Yn ym shah ban ïaid rally ha kano kano ka rukom hapoh u pud u sam jong ka shnong.

La kyrpad ïa ki Candidate baroh ba kin sngewbha ban burom bad kohnguh ïa kane ka rai jong ka Dorbar Shnong khnang ba kane ka kam kan long kaba ïaid beit ïaid ryntih.