Pynngat containment ar tylli ki iing ha Mookyrdup Jowai, pyndam ha Ladthadlaboh bad Ksehryngshang

Syllad | The Rising MeghalayaAugust 9, 2021

U District Magistrate, West Jaintia Hills District, Garod LSN Dykes haka sngi Nyngkong ula pynngat micro containment ia ki ar tylli ki ïing ha Mookyrdup, Jowai hadien bala don ka jingiabit jingpang khlam COVID-19 bad ula weng ruh iaka Containment ha ka shnong Ksehryngshang bad Raitmoolain khlieh Umsorkar bad Umsorkar cluster kaba hap ha Ladthadlaboh.

Katkum ka hukum ki ïing kiba la shah pynngat containment ha Mookyrdup ki dei ka ïing jong u Bini Shylla bad ka ïing jong (L) Darling Chyrmang.

Ka hukum ka ong bala khang pyrshah ia baroh ban rung sha ka containment bad kiba na ka containment ruh kim ban mih shabar. Baroh kiba shong hapoh ka containment ki dei ban shong pynkyrpang ialade ha ki iing ki sem jong ki.