Pynngat Containment Zone iaka shnong Nongkseh hadien ba iabit khlam 39 bad iap 3 ngut

Syllad | The Rising MeghalayaMay 13, 2021

Ka District Magistrate. East Khasi Hills District, Kong Isawanda Laloo, IAS haka sngi Balang kala pynmih iaka hukum bala pynngat iaka shnong Nongkseh, 3^rd Mile Upper Shillong hapoh ka Containment Zone hadien bala kiew ka jingiabit khlam COVID-19 kaba la kot haduh 39 ngut bad iap 3 ngut tang hapoh 3 taiew.

La pynngat Containment ia kane ka shnong katkum ka report u Incident Commander uba long ruh u Block Development Officer, Mylliem C&RD Block bad u Medical Officer ba dei khmih iaka Shastri Memorial State Dispensary.

Ka report ka ong ba kane ka jingiabit khlam ka jur ha kane ka shnong kaba la kot palat 8 percent ka positivity rate.

Kumta ban tem iaka jingpur ka ka donkam ban leh kyrkieh iaka test bad kumjuh ka jingrung na kawei sha kawei ka iing ban pyndep iaki test bad buddien iaki briew kiba shah ktah haka khlam.

Kane ka hukum ka khang pyrshah iaka jingrung jingmih klumar ki briew shapoh shnong kumjuh kiba nabar shnong shapoh ka shnong

Kane ka hukum kan treikam naduh ka 5 PM jong ka 13 tarik une u bnai haduh bala pynbna da kuwei.