Pynngat Containment Zone iaka shnong Pyndengumiong

Syllad | The Rising MeghalayaJuly 23, 2021

U Sub-Divisional Magistrate, Mairang Civil Sub Division haka sngi Thohdieng ula pynmih iaka hukum bad pynbna bala pynngat Containment Zone iaka shnong Pyndengumiong baroh kawei hadien ba la iabit iaka jingpang khlam 18 ngut na ki nongshong shnong.

Kine dong kiba la shah pynngat haka containment Zone ki kynthup iaka iaka Dong Lumiew, Dongbir, Dong Gate, Lummarlong, Langstiehrim bad ka Umwiehsup.

Katkum ka report kane ka shnong ka don haduh 113 ngut kiba la shah ktah iaka jingpang khlam bad 7 ngut kila khlad.

Katkum ka hukum u Sub Divisional Magistrate, Mairang Civil Sub-Division ula ong “Na ka daw ka jingiaikiew stet jong ka jingdon ki nongpang COVID-19 bad ka jingdon ki nongshong shnong kiba lah ban shah ktah (High Risk) na ka khlam hapoh Pyndengumiong, kaba dei kawei na ki jaka ba heh duh ha Mairang ban khaii pateng ne ban iadie iathied bad la lap ba ka don ka jingkheinsting ki paidbah bad kim shym la bud iaki adong adit COVID-19 bad ki jingbthah jong ka sorkar, kumta la hap ban pynbna iaka Containment Zone ban tem iaka jingpur jong ka khlam.”

Kane ka hukum kan treikam noh mardor bad kan iai neh tad haduh bala pynbna da kumwei.

La khang pyrshah ban rung sha ka Containment Zone lait noh ki nongtrei ka tnad ka koit ka khiah bad kito kiba la ioh jingbit na u Incident Commander ba dei peit iaka shnong bad la bthah ia baroh ki nongshong shnong ban shong pynkyrpang ialade ha ki ïing ki sem ki jong ki.

Shuh shuh la hukum ban khang ia baroh ki dukan dukdoh, ban sangeh iaka kam shna ïing, shna surok bad ki bank ki ophis kiba don hapoh u pud u sam ka containment zone ruh kim dei satia ban plie khlem da ioh jingbit na ka ophis u Sub Divisional Magistrate, Mairang.

La bthah iaki nongshong shnong ba ki dei ban deng mask tikna bad kim dei ban iakhlehj bad kiwei bad ba ki dei ban sngapthuh lada don kino kino ki jingshitom haka jingsngewshitmet, jyrhoh, dap shadem, shitom ban ring pynhiar mynsiem.

Kino kino kiba pynkhein iaka hukm kin ngat haka jingshah pynshitom katkum ka hukum Disaster Management Act, 2005 bad ka IPC.

.