Pynngat ‘micro containment’ bun tylli ki ïing ha Jowai

Syllad | The Rising MeghalayaOctober 6, 2020

U District Magistor jong ka West Jaintia Hills District, Garod LSN Dykes ula pynngat ‘micro containment’ bun tylli ki iing ha Jowai haka sngi sngi ba Ar.

Kine ki iing ki kynthup iaka longiing ka Wiwo Siangbood, Rihun Kharuki, Daimon Challam na Tpep Pale, Jowai bad Bunki Lanong, Soilin Lanong, Poibiang Lanong na Chilliangraij, Jowai.

U District Magistor ula pynmih ia kane ka hukum hadien bala iabit khlam COVID-19 na kitei ki longiing bad baroh kine ki ïing ki donkam ban pyndep iaka contact tracing, quarantine testing bad ban nym iakhleh bad ki paidbah ban lait saphriang ka khlam.

U District Magistor ula khang ban rung bad mih sha kine ki jaka bala pynngat ‘micro containment’ tad haduh bala pynbna da kumwei.