Pynpaw jingkmen ka EJDCA ba ioh ‘Best Player’ u Kishan Lyngdoh na ka NECDC
Ka East Jaintia District Cricket Association (EJDCA) ka pynpaw ka jingsngewkmen kaba khraw ba u player ka association u Kishan Lyngdoh uba mihkhmat ia ka Meghalaya ha ka Ranji Trophy bad ka Vijay Hazare kum u kapten ha ka tournament ba la pyniaid da ka BCCI u la ioh pdiang ia ka khusnam ‘Best Player’ bad ‘Best Batter’ na ka North East Zone jong u snem 2023-24.
Ia kane ka khusnam une u rangialehkai ba tbit ka Jylla u la ioh pdiang ha ka jingialang sam khusnam “3rd Achievers Awards night 2024,” kaba la pynlong haka 1 tarik Jylliew da ka North East Cricket Developments Council (NECDC) ha Shillong.
![](https://www.syllad.com/wp-content/uploads/2024/09/JIT-Vacancy-823x1024.avif)
Da kaba kamai haduh 937 run na ki 19 tylli ki jingialehkai, ha ka Ranji Trophy u Kishan Lyngdoh u la lah ban kamai haduh 690 run na ki 12 tylli ki jingialehkai. Katba ha ka ‘Vijay Hazare u la ioh ban kamai 247 run lyngba ki 7 tylli ki jingialehkai.
Ka Association ha u kyrwoh lyngba u Bah T. Phawa, Secretary ka kyrmen skhem ruh ba u Kishan un nanglah ban lehbha shuh shuh ha ki tournament ki ban dang wan, bad ha kajuh ka por ka kyntu ruh ia ki samla ka Jylla ba kin shim ia ka nuksa lyngba jong u ba kin phaikhmat sha ka jingialehkai Kriket na ka bynta kito kiba don ia ka sap ka phong.
Leave a Reply