Pynpaw ka Myntri ka Tnat Ain ka jylla ba kam ju don satia ka Provisional PRC

Syllad | The Rising MeghalayaOctober 14, 2023

Ka Myntri ka Tnat ka Koit ka Khiah kaba khmih ruh ia ka tnat Ain (Law)  ka sorkar jylla ka Kong Ampareen Lyngdoh haka sngi Thohdieng ka la bteng ban pynpaw ba kam ju don satia kata ka Provisional Permanent Residential Certificate (PPRC).

Nalor kata ka la ong ruh ba katkum ka jingpynpaw da ka tnat Ain ka sorkar jylla, kam ju don satia kata ka Provissional Permanent Residential Certificate (PPRC), bad ba ka Permanent Residential Certificate (PRC) ka dei hi ka Permanent Residential Certificate (PRC).

Kane ka jingpynmih hukum jong ka tnat Ain ka sorkar jylla ka la wan long ruh  hadien ba ka tnat ka koit ka khiah ka sorkar jylla kala weng noh ia ka kyrteng jong u Ayush Kumar na ka bhah jong ka  sorkar ban ioh lad ban leit pule MBBS 2023-24.

Halor kane ka bynta na ka liang ka Myntri ka la ong ruh ba ki la dep ban phah ktien sha ki bor ba dei khmih jong ki District kumjuh sha ki Deputy Commissioner (DC) ba kin shim khia mardor ha ka ban pynthikna bad pynshisha ia baroh ki kot ki sla bala ai da ki samla kiba aplai ban ioh leit pule MBBS ne kiwei kiwei ki lain kiba iadei bad ka koit ka khiah na ka bhah jong ka sorkar jylla.

“Ngi la phah biang ia baroh ki kot ki sla sha ki DC khnang ba kin jurip bniah biang ha kaba la pynduh noh ia kawei ka seat jong uwei u samla pule” ong shuh shuh ka Myntri.