Pynpaw u CEM ba kala don ka jingtyrwa ban iakhun ia ka MDC na Nongthymmai

Syllad | The Rising MeghalayaSeptember 4, 2024

U Chief Executive Member (CEM) ka Khasi Hills Autonomous District Council (KHADC) u Bah Pyniaid Sing Syiem ha ka 3 tarik Nailur u la ong ba ka long kaba shisha ba ka la don ka jingtyrwa na ki nongialam bad ki nongkyrshan ka NPP na Nongthymmai ba un iakhun noh ia kane ka elekshon MDC ka ban wan na Nongthymmai Constituency.

Haba jubab halor ki jingsaphriang khubor, u Bah Pyniaid uba dei u MDC ka Mawryngkneng Constituency u la kubur ba ka la don ka jingtyrwa na ki nongialam bad ki nongkyrshan jong ka NPP na baroh ki artylli ki Constituency ba u dei ban iakhun noh na Nongthymmai Constituency.

Watla katta u Bah Pyniaid u la ong ba haduh mynta hi um pat shim ia kano kano ka rai na kano ka Constituency un mih ban ia iareng ha kane ka elekshon MDC ka ban wan, da kaba pynapw ba ka long kaba donkam ban iamir jingmut lang bad baroh ki nongtrei bad ki nongkyrshang jong ka seng.

Nalor kata u la pyntip ruh ba ia ka rai yn sa shim hadien ka jingialang bad baroh ki nongtrei bad ki nongkyrshan jong ka party napoh Mawryngkneng Constituency ha kane ka taiew ka ban wan.

Katkum ka jingpynpaw ka jong u la ong ba kane ka jingtyrwa kaba la wan na ki nongialam bad ki nongkyrshan ka party NPP na Nongthymmai ka la wan long hadien ka jingshah rem noh jong u ha ka elekshon MLA 2023.