Pynphai ka JHTOA iaka trok 18 shaka ba kit dewbilat

Syllad | The Rising MeghalayaJuly 3, 2023

Ka Jaintia Hills Truck Owners’ Association (JHTOA) kaba ieng skhem haka nongrim ban pyrshah iaka jingkit mar ki trok 18 shaka ba pynmih na Rilum Jaintia haka sngi Nyngkong kala pynphai ia kawei ka trok kit dewbilat ba kit mar na kawei ka kharkhana dewbilat.

Kane ka trok kaba shah pynphai kaba don 18 shaka kadei kaba don ia u registration number AS 01 PC 8863 kaba kit dewbilat na karkhana M/S Goldstone Cement LTD, Lumshnong sha Assam. Ki dkhot ka JHTOA kila lap ia kane ka trok ha Tuber Shohshrieh, East Jaintia HIlls bad mar mar kila pynphai iaka namar ka jingleh pyrshah ki karkhana iaka rai kaba la shim ka JHTOA.

U president ka JHTOA u Biangshwa Shylla ula ong na ka por sha ka por ka JHTOA ka pyrshah ïa kum ïa kine ki trok bun shaka ban kit ïaki mar ba pynmih hapoh ka jylla bad District namar lada ailad ïa kine ki truck kan ktah aika kamai kajih ki trai trok trai ri trai muluk khamtam kiba buh trok.

Ula ong kawei pat ka daw ba ki pyrshah ïa kine ki trok namar ba ka surok kam pat ïa hap ban wan kum kine ki jait trok ban kit mar na kane ka thain tad haduh bala ioh iaki surok kiba paka.