Pynphai ka JSU iaki bar jylla ba trei bylla ha Syndai

Syllad | The Rising MeghalayaSeptember 21, 2021

Ka Jaintia Students’ Union (JSU), Syndai Unit haka sngi Nyngkong kala phah leit phai iaki katto katne iaki bar jylla naka jaka ba ki wan hadien ba kim lah satia ban pyni iaki kot ki sla kiba biang.

Ha kane ka jingkhyra ka JSU ia kine ki bar jylla la iadonlang ki pulit jong ka Muktapur.

La iathuh ba ki don haduh kumba 9 ngut eiei ki bar jylla kiba wan treibylla haka shnong Syndai, hyrnei hadien ba kim lah ban pyni iaki kot ki sla ba biang ka JSU kala pynsangeh shi syndon ia ki ban trei bad phah leit phai ia ki sha ki jaka ba  ki wan.

Ha kane ka jingkhynra bar jylla la ialam da u general secretary JSU Syndai u Heiplanmiki Tariang, assistant general secretary Banteilang Suliang nalor kiwei kiwei.

Kane ka jngkhyra bar jylla ka JSU kadei shibynta ka jingdawa ILP haka jylla, la ong u Heiplanmiki Tariang. Ula ong ka JSU ka kyntu ia u kontrak ba wan rah ia kine ki bar jylla kumjuh ia kiwei ruh ki kontrak haba ki wan rah ia kino kino ki nongtrei bar jylla ki dei ban wanrah da kiba la dep register ne da kiba lah biang lut ki kot ki sla.