Pynpoi um ka PHE sha ki 62 tylli ki longiing ha Iongthma Nongjngi

Syllad | The Rising MeghalayaNovember 24, 2020

Ka ophis jong ka tnad Public Health Engineering, Rural Water Supply Division, Jowai kala lah ban pynpoi um sha ki 62 tylli ki longiing haka shnong Iongthma Nongjngi, West Jaintia Hills District.

Ia kane ka um la pynpoi lyngba ka skim Jal Jeevan Mission kaba la bei pisa da ka Ministry jong ka Jal shakti Govt of India. Ka thong jong kane ka skim kadei ban pynpoi umbam umdih ha man la ki shnong bad ki thliew ïing haka ri hashuwa u snem 2024. Ha jylla Meghalaya la buh thong ban pynpoi um ha man la ki thliew ïing ha shwa u Nohprah (December) 2022.

U Junior Engineer ka PHE u ma J Suchiang ula iathuh ba kane ka skim kala pynsuk bha iaki paidbah jong ka shnong Iongthma Nongjngi khamtam ia ki khynnah kiba ju hap ban pynlut por ban leit tong um kham pajih nala ki iing bad ka shnong kaba ktah bha iaka por ka haka pule ka puthi. Une u engineer ula ong ba ha kane ka skim ki shnong ki hap ban buria tang 5 percent ka jinglut ba kin sngewtrai iaka skim.

Ia ka operation and maintenance ne ban maramot pat ka village water & sanitation committee jong ka shnong kan hap ban peit ban jurip.