Pynpulom ki BSF ia ka jingthmu ki nongkhaii beain, ioh kurup ia ki tiar ba kot 11 lak

Syllad | The Rising MeghalayaNovember 29, 2023

Ki shipai Border Security Force (BSF) ka Meghalaya ha kane ka taiew kaba la dep ki la lah ban pynpulom noh ia ka jingthmu jong ki kynhun nongkhaii beain bad ioh ban kurup noh ia shibun bah ki tiar ki tar kiba shongdor palat T.11 lak ia kiba la thmu ban shalan beain shapoh Bangladesh.

Hadien ba la ioh ia ka jingtip kaba bniah, ki shipai BSF ka Meghalaya ki la pynlong ia bun tylli ki jingkhynra ha ki bynta khappud ka jylla kaba la lam sha ka jingioh kurup ia ki muid, dawai jyrhoh beain (phensedyl), shini, ki jain ki nep bad kiwei pat ki tiar.

Hadien kane ia kine ki mar ba la ioh kurup la aiti noh sha ka ophis ka tnat Custom na ka bynta ban leh shuh shuh ia kaba donkam.