Pynpulom ki shipai BSF ia kiba thmu khaii masi bad shini beain shapoh Bangladesh

Syllad | The Rising MeghalayaAugust 17, 2024

Ki shipai Border Security Force (BSF) ka Meghalaya ha ka 15 tarik Naialr ki la lah ban pynpulom noh ia ka kynhun ki nongkhaii tuh kiba thmu ban shalan masi beain lyngba ki jaka khappud napoh West Jaintia Hills shapoh Bangladesh

Hadien ba la ioh ia ka jingtip kaba thikna, ki shipai BSF na ka 4th Battalion ki la pynlong ia ka jingkhynra hajan khappud ka India- Bangladesh hapoh West Jaintia Hills ha kaba ki la ioh ban pyllait noh ia 13 tylli ki masi ba la buhrieh ha ka jaka khlaw na ka bynta ban khaii beain shapoh Bangladesh.

Hadien ia kine ki masi la aiti noh shapoh ka police station na ka bynta ban leh shuh shuh ia kaba donkam.

Ha kawei pat ka jingkhynra, ki BSF na ka 181 Bn ki la ioh ban kem noh ia laingut ki nong India ha ryngkat shibun bah ka Shini ia kaba la thmu ban khaii beain shapoh Bangladesh lyngba ki jaka khappud jong ka ri na South Garo Hills, Meghalaya.