Pynrem jur ka FKJGP iaka kam sang u Dolloi Nartiang

Syllad | The Rising MeghalayaDecember 7, 2020

Ka Federation of Khasi Jaintia and Garo People (FKJGP), Nartiang Area Unit kala pynrem jur ia u Dolloi ka Nartiang uba shah kynnoh lehbeijot ha kawei ka longkmie na kawei ka shnong kaba hap ha Nartiang Police Station.

Na kaliang ka FKGJP lyngba u kyrwoh u Pynshngain Nongjied, Information Secretary ula kyntu iaka bor jong ka aiñ ban kem mardor ia u ne u dolloi Hepsing Dhar, uba la iap ka jingtip lem bad lehbein iaki kynthei khynnah da kaba leh ia kane ka kam poh jait poh rati kiba ktah iaka jaidbynriew bad ka imlang ka sahlang baroh kawei.

Une u dolloi ula shah kynnoh ba ula leh beijot ia kawei ka longkmie haka 30 tarik u bnai Naiwieng 2020. Halor kane kiba haiing kila dep ujor ejahar ha Nartiang Police Station.

Kynnoh lehbeijot u Dolloi Nartiang iaka longkmie

Kumban shu pynkynmaw une u dolloi Nartiang ula shah set phatok teng halor ka jingshah kynnoh ban leh beijot iaka longkmie kaba wan shim dawai na u na Mukhla ha u snem 2018.

Nalor kane kawei pat ka mukotduma ka dei halor ka jrong kti jong u ia kawei pat ka khynnah kaba ki Pulit jong ka Jowai PS kila pyngngat ia u haka POCSO Act.