Pynrem jur ka HYC iaka jingdkhoh ka MePDCL bad u myntri bording

Syllad | The Rising MeghalayaMarch 21, 2021

Ka Hynñiewtrep Youths’Council (HYC) Education Cell CEC kam sngewiahap satia halor ka jingpynlip light ba khah khah jong ka tnad sam bording ka Meghalaya Power Distribution Corporation Limited (MePDCL) kaba la ktah bad pynthud shibun eh iaki Khynnah bad ki samla pule ka jylla kiba dang don ha ki examine. Bad kumjuh ruh iaki khynnah Class 10 bad class 12 kiba dang pynkhreh iaka exsamin SSLC bad HSSLC kaba sa long ha u bnai April.

Ka Sorkar jylla kan hap ban shim iaka jingbah khlieh lada jia ba ki khynnah bad ki samla pule ka jylla ki phiel ha ki examine Jong ki, tang namar ka jingbym don iaka light ban khreh kot haka por mynmiet. Ka HYC ka pynrem jur halor ka jingdkhoh treikam ka MePDCL bad halor ka jingbym lah ban siew iaka ram da ki spah klur tyngka ha ka NEEPCO kaba la pynsyrtok kylla pat iaki nongshong shnong jong ka Jylla.

Ki paid nongshong shnong ka jylla kiba thang iaki light ha ki iing ki sem ki siew pyndep beit iaka bai thang light ka jong ki man laka bnai, balei pat ki dang hap mad iaka jingshah pynshitom haka MePDCL kaba la kylla long pynban kum ka tamasa shong dum ba shisien shisnem iaki paid nongshong shnong ka jylla.

Ka HYC ka pynrem jur ruh iaka sorkar jylla khamtam ia u power minister incharge u James Sangma u bym shim la lah ban pyndep iaka kamram ba la bynshet ha u, kum u power minister ban peit na bynta ka bit ka biang jong ki paidbah ka jylla ban ym nym don kano kano ka jingthud halor ka rukom sam bording sha ki nongshong shnong.

Bad lada ym lah u dei ban ai noh iaka shuki myntri jong u sha kiwei pat kiba long tbit ban bat iaka kane ka shuki myntri. Ka HYC ka dawa jur na u Myntri Rangbah ka jylla u Conrad Sangma ban un tuklar bad iakren mardor bad ki bor pyniaid ka NEEPCO halor ka jingshah ot bording bad ban wad ki lynti kumno ban weng noh Mardor ia kane ka load shedding ba 11 kynta ha ka Shisngi ha ka jylla hi baroh kawei.