Pynrem jur ka JSM, JSU & AHPUF iaka jingiap ka longkmie ha Mihmyntdu

Syllad | The Rising MeghalayaJuly 16, 2020

Ka Jaintia Students’ Movement (JSM), Jaintia Students’ Union (JSU) bad ka All Hynniewtrep Peoples United Front (AHPUF) kila pynrem jur iaka jingshah pyniap ka longkmie ha Mihmyntdu, West Jaintia Hills District kaba u lok jong ka uba shah suba donkti ruh ula phet rieh na ka bor jong ka ain.

Kane ka jingjia shah pyniap ka longkmie kala jia haka step 13 tarik une u bnai ha Nein Shnong, Mihmyntdu. Kane ka longkmie ka dei kaba la tip kyrteng kum ka Nimai Phawa.

Ka jingiap kane ka longkmie ka don kaei kaei sha lyndet bad suba jur ba u lok jong ka u Fortunate Pala hadien ba ula pyniap iaka lok, ban burieh iaka kam sniew jong u, ula sdien iaka ha u tyllai phasi ha kamra shet ja bad ula thmu ruh ban pyniap ia u khun baheh jong kane ka longkmie ha wah kham pajih na ka iing jong ki ha Jowai Bypass, hynrei une u khynnah ula lait im bad ioh ban iathuh lut kaei kaba la jia ia u bad iaka kmie jong ha u ha kiba haiing.

Ka JSM bad ka JSU kum ka dak ban ban sngewlem ia kane ka longiing jong kane ka longkmie kila leit ban sngewlem sha ka iing jong ka Nimai Phawa.

Ka JSU kala synniang da ka pisa bad kja JSM pat kala synniang da ki mar bam.

Kine ki lai seng ka JSM, JSU bad ka AHPUF kila pynrem jur halor kane ka jingjia bad dawa na ka bor jong ka ain ban thwet ia une u Fortunate uba la phet rieh na ka bor jong ka ain naduh katei ka sngi kaba jia bad dawa ban pynshitom ia u katkum ki kyndon jong ka ain.

Pyniap dusmon u lok iala ka lok, bret iala u khun 7 snem sha wah ha Jowai Bypass