Pynrem jur ka KSU JSM STIEH & FKJGP ïaka kynnoh leh khlem akor u pulit ophisar

Syllad | The Rising MeghalayaNovember 14, 2019

KHLIEHRIAT: Ki 4 tylli ki sengbhalang kiba don ha Jaintia Hills District naduh ka KSU-JHDU, JSM-CB, FKJGP bad ka STIEH ki la pynrem jur ia ka kynnoh leh khlem akor jong u wei na ki pulit ophisar incharge Ladrymbai Police Out Post, u H Khonglah ia kawei ka kynthei kaba dei artad ka nongiasaid aiñ kaba la pynmih sha ki lad pathai khubor naduh kine ki sngi ba la dep.

Kine ki saw seng ki pynpaw ia ka jingsngew bitar kaba jur kumno da u briew u ba don haka aiñ u leh ia kum katei ka kam pohjait pyrshah ïaki kynthei.

Kitei ki saw seng ki la shim ia ka rai bad dawa na ka sorkar ba dei ban kem mardor bad ban pynshitom katkum ki kyndon jong ka aiñ bad ban weng kam syndon ia kum u ne u riew ophisar pulit u bym tip ia ka burom ka ijot.

Kine ki saw tylli ki seng kila pynpaw ruh ia ka jingsngewkhia kaba jur namar na ka por shaka por ngi sngewshngain haba ngi don bad ki bor pulit kiba kiba long ki nongiada, ki nongiarap jong ngi ha kano kano ka bynta, hynrei kumba ka paw mynta ka pyni ba hangno ka lawei kaba shngain khamtam ia ki kynthei ki khynnah….? namar wat ki briew kiba trei ban pyntreikam iaka aiñ kila pyndonbam bakla ia ka aiñ. Kumta ki saw seng kila dawa ba lada ba ki bor ba dei peit ia ka aiñ kim shim khia ia kane ka kam kim banse ban ia shong pyrkhat bad ban shim da kiwei pat ki lynti.