Pynrem jur ka Seng Kur Lyngkhoi ba shah pyniap dusmon u para kur ha ka thain Mawkyrwat
Ka Seng Kur Lyngkhoi Sengkmie ka pynrem jur halor ka jingshah pyniap dusmon jong uwei u samla rangbah uba dei u para kur ia uba la tip kyrteng kum u Pynskhemlang Lyngkhoi uba dei na ka Shnong Nongbah Marshilong, South West Khasi Hills District.
Na ka liang ka Seng ha u kyrwoh lyngba u Bah JJ Lyngkhoi, Publicity Secretary ka la ong ba une u samla ha ka 1 tarik mynta u bnai u dang wan na Mawkyrwat ban leitphai sha la shnong hadien ba u la shah pyniap dusmon ha ki runar thrang snam ki bym lah ban ithuh ha kawei ka jaka ba la tip kum ka Riat Thawlong, kata ka lynti iaid kjat na Mawkyrwat sha Marshilong.
![](https://www.syllad.com/wp-content/uploads/2024/09/JIT-Vacancy-823x1024.avif)
Ha kajuh ka por ka Seng Kur Lyngkhoi Sengkmie ka dawa ruh na ki bor jong ka ain bad ia ki bor pulit kaMawkyrwat ba kin thwet ia kine ki runar ki ba donkti ha kane ka kam pyniap bad ban pynshitom tyngeh da ka ba set phatok shi jingim khnang ba kum kine ki jingjia kin ym jia shuh hadien habud.
Ha kajuh ka por ka Seng ka maham tyngeh ruh ba lada kum kine ki jingjia kin dang wan jia na ka liang ka Seng kam kam banse ban shim da kiwei pat ki sienjam namar kum kine ki jingjia kam thombor bad kam pyniap ki la jia la bunsien ia ki kur ki jait.
Ha kajuh ka por ka Seng ka phah ruh ka jingsngewlem sha kiba haiing hasem jong une u para kur uba la khlad noh khamtam sha i kurim bad ki khun ki kti.
Leave a Reply