Pynrem jur ka SWSRJ iaki runar kawang petrol bom iaka iingsah u ma Sniawbhalang Dhar

Syllad | The Rising MeghalayaApril 27, 2024

Ka Synjuk Waheh shnong Ri Jaintia (SWSRJ) kala pynrem jur iaki runar kiba kawang petrol bom iaka iingsah jong u MLA napoh rilum Jaintia uba long ruh u Symbud Myntri rangbah ka sorkar Jylla.

Ha u kyrwoh ba la phah da u President ka synjuk A. Lipon, ula ong ba ka synjuk ka dap da ka jingsngewdiaw haba jia kum kine ki jingjia hapoh ka Bri u Hynniewtrep bad ka akor burom para briew kala hiar dor shaba palat kat haduh ba ki runar ki nud ban shim iaka ain haka kti jong ki ban leh iaki kam pyntriem iaki riew shimet, riew paidbah bad wat iaki nongmihkhmat ruh kumjuh.

Ula ong ba ka synjuk ka pynrem ia kum kine ki kam pyntriem bad ka kyntu ruh iaki bor jong ka ain ba leh da kaba tyngeh ban thwet ia kiba donkti bad ban pynshitom iaki katkum ki kyndon jong ka ain.

Ha kajuh ka por ka synjuk ka kyntu iaki nongshnong shnong jong ka Bri u Hynniewtrep ba lada don ka jingiabakla ne bymhun ia kaei kaei ruh ha kaba iadei bad kino kino ki kam ymbit ban shim iaka ain haki kti hynrei dei ban aiti sha ka bor jong ka ain.