Pynrem ka EJNC iaki 7 ngut ki MLA Jaintia wan wan u dewiong na Assam

Syllad | The Rising MeghalayaMay 24, 2020

Ka East Jaintia National Council (EJNC) kawei naki sengbhalang napoh East Jaintia Hills, ka bala kyrshan Rangbah iaka Synjuk ki Waheh Shnong East Jaintia Hill District, ban pyrshah iaka jingwan jong u Dewiong u ba na Assam ban pynbiang iaki kharkhana dewbilat kiba don hapoh East Jaintia Hills District naka jingtieng iaka jingsaphriang jong u khniang COVID-19 u bala pynshong syier iaka pyrthei baroh kawei.

Hynrei haba phai shaka jingpynshai jong u Myntri Rangbah ka Jylla u Conrad K Sangma, ba ki kharkhana la bud katkum ka jingphah jong ka MHA ban kit dewiong na bar jylla bad ka sorkar kam lah ban pyrkhing ban wanrah ia u Dewiong u ba na Assam, khlem da phai khmat shaka jingma bad ka jingeh kaba ap iangi ki trai jylla.

Ka EJNC ka pynrem jur iaka Sorkar MDA, kaba aibor iaki pulit ban dain kuna  lane pynshitom iaki trai ri trai muluk kiba mih ban leit donkam, leit shim dawai na kawei ka shnong sha kawei pat, katba ia Trok Dewiong ba wan na Assam ka phah daki pulit ban synran iaki haduh da poi jaka.

Ka jingwan jong ki trok marbam nabar kadei ka jing bym banse namar ngim lah ban im khlem bam.

Lada ka Sorkar ka don ka jingsngewkhia bad ka jingsngewlem ia ngi ki trai Jylla kala dei ban sngap iaka jingiakhih jong ki paitbah ka East Jaintia Hills, bad pynsangeh iaka jingwan jong u Dewiong u ba nabar, hynrei sngewsih ban iohi baka Sorkar MDA kam don ka sur ban pynsngew shaka MHA iaka jingyrshah jong ki paidbah ia u Dewiong ba wan nabar namar ka jingtieng ia u khniang COVID -19.

Kane ka jingsngap mynthi jong ka Sorkar Jylla iaka jingpyrshah jong ki paidbah kala pynsngewsih iaka mynsien jong ngi u paidbah ban iohi iaka jinglong arsap jong ka Sorkar MDA kaba kloi ban buh iaki paidbah ka jylla haka jingma tang ban iaid iew ki kharkhana dewbilat.

Lada donkam car pass ki paidbah ban leit donkam na kawei ka District sha kawei pat jynjar ban ioh lada leit khlem car pass ruh shah pynphai haki Pulit, katba iaki trok dewiong ba wan na Assam hap ban pdiang burom bad hap synran iaki daki Pulit, kane ka jingleh jong ka Sorkar kala pynsuba jur iaka seng baka don kaei re kaei sha lyndet.

Haka juh ka por ka EJNC ka pynrem jur iaki 7 ngut ki MLA napoh Rilum Jaintia kiba sngap mynthi iaka jingeh jong ngi ki nong Jaintia.

Sambormi Lyngdoh | President EJNC-CEC