Pynrem ka Sengkhihlang bad ka SKS 12-Daloi iaki runar ba leh dusmon iaka jaka tep briew Khasi ha Mawlaingut

Syllad | The Rising MeghalayaNovember 6, 2020

Ka Sengkhihlang bad ka Seiñ Kyntu Seiñraij 12 – Daloi ka pynrem jur ia ki runar kiba leit thombor ia ka lum jingtep briew Khasi haka shnong Mawlaingut.

Kine ki runar kila pom dusmon iaki dieng bad pynpra iaka kynroh jong ka lumjingtep haka 20 tarik u bnai bala dep. Halor kane ka Seng Khasi Mawlaingut kala dep ujor ejahar ha khmat ki pulit jong ka Lumdiengjri PS haka 3 tarik une u bnai.

Ka Sengkhihlang bad ka Seiñ Kyntu Seiñ Raij 12 Daloi ha u kyrwoh bala phah da u S Sari, Publicity Secretary jong ka Sengkhihlang bad ka Seiñ Kyntu Seiñ Raij 12 Daloi kila pynrem jur ia kane ka jingleh runar jong kine briew kibym don shuh katta ka mynsiem ia smgew para briew.

“Ngi kyrpad ia ki bor jong ka aiñ ban thwet bad kem bad pynshitom ia kine ki runar katkum ki kyndon jong ka aiñ,” la ong u kyrwoh na u S Sari.