Pynrung dkhot ka KSU sa saw ngut haka CEC

Syllad | The Rising MeghalayaAugust 4, 2019

SHILLONG: Ka Central Executive Council (CEC) jong ka Khasi Students’Union (KSU) ha ka jingialang kaba long haka 29 tarik Jylliew 2019 ha ophis treikam jong ka seng ka la rai ban pynrung dkhot shuh shuh sha ka CEC kum shi bynta ban pynkhlain bad pynjanai ïa ka jingtrei kam jong ka KSU>

Ha katei ka jingialang da kawei ka sur baroh ki dkhot ka CEC ki la mynjur ban pynrung dkhot noh sha ka CEC ia u samla Iashanborlang Mukhim uba dei u nongialam ka KSU Malki Circle, u samla Reuben Najiar uba long u nongialam ka KSU Laban Cirlce bad dkhot barim ka KSU NEHU Unit, u samla James Hitler Mawphniang uba long u nongialam ka KSU North Khasi Hills District Unit bad uba dei ruh u president barim ka KSU NEHU Unit bad u samla Pynkmenlang Sanmiet uba dei u nongialam ka KSU Shella Unit ha ka juh ka por ruh uba long u President ba mynta jong ka KSU NEHU Unit.

Kine ki saw ngut yn ithuh noh kum ki dkhot bad nongialam ba pura jong ka KSU Central Executive Council.