Pynsangeh iaka jingtei ktem pulit ka Assam ha Saba: MBCC

Syllad | The Rising MeghalayaApril 27, 2021

Ka 4-Mowkaiaw Block Congress Committee (MBCC) kala dawa na ka sorkar MDA ban pynsngeh shisyndon iaka jingshna ktem pulit ka Assam haka shnong Saba, ka shnong kaba don hajan Mukroh kiba hap khappud bad Assam Meghalaya.

Ka Mowkaiaw Block Congress kala pynpaw iaka jingsngewkhia halor kane ka kyntur pud ka Assam wat la kane ka jaka ka hap hapoh u pud u ang jongka jylla. Ka Congress Mowkaiaw kala ba kane ka jaka kam hap satia ha kata ka jaka iakhajia pud lane ka Disputed Area.

Buh ktem pulit ka Assam ha Saba, pynsangeh ka bor district West Jaintia Hills

“Ka long kaba sngewsih ban iohi ba ka Sorkar MDA hapoh ka jingialam u Myntri Rangbah Conrad K Sangma bad u Lahkmen Rymbui kum u Home Minister kam shimkhia satia ia kane ka jingeh wat hadien 5 ngut ki dkhot bad nongialam ka United Hynniewtrep Movement (UHM) kila shah ktahkti bad shah pynmynsaw ha ki paidbah Karbi. Nalor kata la sakhi ruh ba ki Pulit Assam kila bteng shait shait iaka jingtrei ban shna ktem pulit,” la ong u Nehemayah Tyngkan Adviser ka 4-Mowkaiaw BCC.

Ula ong shuh shuh ba ka 4-Mowkaiaw Block Congress Committee kala dawa jur naka Sorkar Meghalaya ba ka dei ban pynsangeh shisyndon ia katei ka jingthmu jong ka Pulit Assam bad ka sorkar Assam ban klun bad kam trai iaka jaka.

Hiar thma u paid Karbi iaki dkhot ka UHM ha khappud Assam Meghalaya, mynsaw 5 ngut

Ka Mowkaiaw Block Congress Committee ka pynrem jur halor ka jingthombor ki paid Karbi iaki dkhot ka UHM.