Pynsangeh shuwa ka iingbishar High Court iaka kam pynbeit bud Assam Meghalaya

Syllad | The Rising MeghalayaDecember 9, 2022

Ka ïingbishar ba hakhlieh duh ka jylla ka Meghalaya High Court kala pynmih iaka hukum bad bthah ba ia mynta ym pat dei ban don kano kano ka jingthung ne ban sieh ia ki mawpud mawsam hapdeng ka jylla Meghalaya bad ka Assam tad haduh ka 6 tarik u Rymphang 2023.

Ia kane ka hukum la pynmih da ka ben shong bishar ba marwei (single bench), hadien ba ki saw ngut ki khlieh nongsynshar kiba kynthup ia u Syiem ka Hima Jirang u R Hamberly Wahlang, Acting Syiem Hima Mylliem Ainam Manik, Sirdar ka Nonglang Sirdarship Pholasly Nianglang bad u  Acting Syiem Nongspung Syiemship  u Erald Jyrwa kila mudui pyrshah iaka soskular kaba la iasoi MOU haka 29 atrik u bnai Lber 29, 2022 kaba la iasoi ha New Delhi hadpeng ki ar ngut ki myntri rangbah ka Assam bad Meghalaya kaba iadonlang u Myntri kam pohiing ka sorkar pdeng.

U Muktiar jong ki nongmudui u P. Sharma ula ong ba lada don ka jingbuh iaka mawpud ha kito ki jaka bala dep pynbeit kane ka mukutduma kala iap lypa. Nakaliang u Advocate General A. Kumar ula pynpaw ba ia mynta kam donkam ban pynmih kano kano hukum ne ka jinglut jingsep iaki nongmudui ha kum kane ka por lada iaid shakhmat ka jingpynbeit pud.

Ka hukum lyngba u Justice H.S Thangkhiew, ka kren shai kdar ba ia mynta ym dei ban don kano kano ka kam ban sieh ne  pynieng ia ki mawpud ki mawsam, kampher wat hadien ba la dep ban ia soi iaka MoU ha ka 29 tarik u nai Lber 2022 tad haduh ban da lah ban ai rai biang ia ka da kumwei pat, la mih paw ka kyntien jong ka hukum.

Ha ka por ka jingia pyni ia ki nia ki jutang bad ia la ki jongki daw hapoh ka iing bishar, u nongiasaid na ka liang ki nong ujor u P. Sharma bad u Advocate General u A. Kumar ki la pynpaw ia la ki jong ki nia ki jutang ki jong ki hakhmat u nongbishar ba don burom.

Hadien jong kane, ka iing bishar ka sngew dei ba ka donkam da ka kynja affidavit ban pynpoi hapoh kane ka iing bishar khnang ban ia shai kdar ha kane ka kam.