Pyrshah ka shnong Chiehruphi iaka jingpynrung sha kawei pat ka constituency

Syllad | The Rising MeghalayaJuly 9, 2024

Ka dorbar shnong Chiehruphi kala pynpaw iaka jingpyrshah kaba jur iaka jingpynbeit thymmai iaki MDC Constituency jong ka JHADC, kaba ka jingpynsngew paidbah ka dang iaid mynta kaba la pynlong da ka Delimitation Committee jong ka JHADC.

“Ngi na kaliang ka shnong Chiehruphi ngi pyrshah jur ia kane ka jingpynbeit thymmai iaki congstituency namarba ka la pynkynriah ia ngi naka Narpuh MDC constituency bad la pyniasoh shaka Sutnga Nongkhlieh MDC Constituency,” ong u kyrwoh na ka dorbar pyllun.

Ka dorbar pyllun jong ka shnong kaba la long haka 08/07/24 u pait nongshong shnong jong ka shnong khlem ka jingartatien daka wei ka jingmut u la rai ban pyrshah beit iaka jingpyniasoh jong ka JHADC iaka shnong jongngi sha katei ka constituency thymmai.

Kala kyrpad iaka delimitation committee ka JHADC ba kan sngewbha ban pynneh pynsah shwa iaka Chiehruphi haka Narpuh Constituency. Lada Delimitation Committee ka JHADC kam sngap satia iaka jingkypad jong ka shnong kala rai ban sangeh ha kaban iashim bynta ha ka jingiathep vote Election MDC ka ban sa wan.