Pynshai ka KSU Leimow ba ka peit iaka eh ka shon uba duk ba rangli, ym iaki longiing ba ioh kor ban tan um ha ïing

Syllad | The Rising MeghalayaNovember 10, 2020

Hakaba iadei bad ka khubor kaba la mih ha U Syllad.com haka 7 mynta u bnai halor ka Heading, “Duh um duh network ka shnong u MLA Mowkaiaw, ujor ka KSU” ka KSU ka pynshai kumne:

Halor kane ka khubor naka liang ka KSU Leimow ka khlem pynmih ia kyrteng u MLA ba donburom, bad ka KSU ka khlem mut ban pynjah burom ia u MLA ne iano iano halor kane ka khubor.

Ha kaba iadei bad ka jingleit ia kynduh ka KSU ia ka EE ka PHE, naka liang ka KSU hi ka pynpaw ba hadien ba la don katto katne ki longiing kiba ujor sha ka KSU iaka jingbymdon ka umkor hakatei ka shnong. Kumta naka liang ka KSU ka la kyntu ia katei ka EE ban pynkloi ban pynpoi iaka umkor hakatei ka shnong. Hooid ymlah ban len ba katei ka shnong haduh mynta kamdon iaka umkor ne ka um ba la pynpoi da ka tnad PHE lajan baroh ki sakhi iakata ymdei ka jingialam bakla kumba kynnoh ka MSYO.

Halor ka jingkam ka  Mukhap Student Youth Organisation ba ymdon ka jingkyrduh um hakatei ka Shnong, naka liang ka KSU Leimow Unit ka kwah ban pynshai ba ka KSU kam shym trei naka bynta ki katto katne ki briew kiba riewspah ne na ka bynta kito kiba ioh ba kot ban thied iaka Machine ban pynpoi um hi shaduh sha thliew iing, hynrei ka KSU hi ka peit na ka bynta ki baduk ba rangli ki bym kot ban tih um bad ban thied Machine bad kiba dang hap ban pyndonkam ia u khoh u star ban kit um.

Ha kaba iadei bad ka jingkam ka Mukhap Student Youth Organisation ba kan sa bud dien hi ia ka um na ka tnat PHE, ka KSU ka sngewdei ban buh jingkylli ba balei pat ba ka Mukhap Student Youth Organisation ka dang donkam pat ban buddien iaka um PHE lada ymdon kum kata ka jingkyrduh um haka shnong?.

Hakaba khatduh hi ka KSU kaba trei naka bynta ka bha ka miat ka Jaitbynriew hi kam kwah ban ia kawang ktieh para ma ngi, hynrei ka KSU ka shu kwah tang ban shu pynshai paidbah iaka jingshisha.