Pynshai ka Principal Kiang Nangbah Govt College halor ka jingkhot written test iaka post Accountant

Syllad | The Rising MeghalayaJuly 28, 2021

Hadien ba u syllad.com ula wanrah iaka khubor halor ka written test na ka bynta ka kam contract haka post Accountant ha Kiang Nangbah Government College, ka Principal ka kolej kala pynshai ba ia kane ka written test la phiah ha ki ar bynta.

Ka Principal ka kolej, Dr (Mrs) E.M.Blah ha u kyrwoh ba kala phah kala ong “Ïaka written test jong ka post-Accountant la phiah ha ki 2 bynta. Ka jingpyntip ka long shwa ia kito kiba dei ban ialeh ia ka written test ha ka bynta kaba nyngkong kaba la long ha ka 27^th July, 2021.”

“Na kata ka daw ia kito ki bym pat shym la ioh jingtip ki hap haka bynta ba ar bad la ai jingtip ia ki mynta ka sngi ka 28^th July, 2021 ba ka written test jong ki kan long ha ka 2 tarik u  August, 2021,” la ong ka principal haka jingpynshai ba la phah sha u syllad.com

Khlem pyntip sha kiba thep kam la dep khot written test ka Kiang Nangbah Govt College

U syllad.com u ieng haka nongrim ba ia kane ka written test la pynlong khlem ka jingpyntip sha ki katto katne ki nongthep kam wat hadien ba la dep ban pynlong iaka written test haka 27/07/2021. Dei hadien bala mih kane ka khubor ba ka bor pyniaid jong ka kolej kala rai ban khot pynlong iaka wat ba ar jong ka written test.