Pynshai u BDO Wapung halor ka jingkynnoh ki VEC hapoh ka Lumshnong C&RD Block

Syllad | The Rising MeghalayaSeptember 3, 2024

U BDO Wapung C&RD Block uba peit ruh iaki skim bylla 100 sngi – MGNREGA jong ka Lumshnong C&RD Block, ula pynshai halor ka jingkynnoh jong ki VEC kiba hap hapoh ka Lumshnong C&RD ba iaki bill jong u Financial Year (FY) 2023-24 la dep ban pyllait sha baroh ki VEC.

Hynrei katkum ka jingkynnoh ki VEC la pynpaw ba dang sah (pending) ki bill naduh u snem FY 2021-22, 2022-23 bad 2023-24 bad kine ki dei ki jingtrei kiba sahteng na ki VEC kiba slem ban pyndep iaki jingtrei bad slem ban submit ia ki bill sha ka ophis.

Ia kine ki bill la dep ban pynrung (enter) hapoh ka MIS ha u snem 2024-25 bad yn pyllait yn da la ioh iaka song pisa FY 2024-25.

Baroh ka pisa kaba iadei bad u u FY 2023-24 la dep ban pyllait sha ki VEC kiba la dep ban submit. Katba ki bill jong ka Lumshnong C&RD ki dei jong u FY 2024-25 ka ban sa siew hadien ba ioh pisa.

U BDO Wapung ula pynpaw iaka jinglyngngoh ba wat hadien bala dep pynshai iaki VEC hapoh ka Lumshnong C&RD. Bun ki VEC ki sngewthuh ia kane, tangba tang katto katne ki VEC kiba kynnoh. Kumta ula kyrpad ia kine ki VEC ban wan sha ka ophis bad ban wanrah ryngkat iaki bill ba sahteng (pending material bills) jong ki snem kiba dang sah ban siew naduh u snem 2021-22, 2022-23 bad u 2023-24, khnang ban ioh ban pynshai bad na kaliang u BDO ula ban biang ba la dep ban pyllait iaka pisa haduh u snem 2023-24.

Tyngkrein paw ka Lumshnong C&RD Block tang ka nam, hap sangeh ki VEC ban trei bym ioh pisa skim bylla 100 sngi