Pynshai u ma Balen Thubru halor jingshah wengkam president na ka AJCCTA

Syllad | The Rising MeghalayaOctober 19, 2021

U Ma Balen Thubru uba long uwei na ki nongialam ba pawkhmat jong ki trai trok kiba shalan Cement bad Clinker uba dei ruh u President ka All Jaintia Cement and Clinker Transporters, Association (AJCCTA) u la pynpaw ia jinglyngngoh halor ka jingpyllait khubor u Secretary barim katei ka seng pyrshah ia u da kaba ong ba u la shah weng kum u President ka AJCCTA.

U Ma Balen Thubru, ula ong ba u Kyrshan Dkhar um dei satia wat tang u Transporter lane uba don bynta bad ka kit ka bah ha kaba iadei bad ki Cement bad Clinker na ki karkhana dewbilat bapher bapher kiba don ha East Jantia Hills hynrei la thung Secretary ia u hapoh ka AJCCTA da kaba siew ia u da ka Tulop.

Halor ka jingkam jong u Kyrshan Dkhar ba ka AJCCTA ka la thung ia u kum u Acting President, u ma Balen Thubru u la pynshai ba ka AJCCTA ka dang shu dep pynthymmai ia ki nongkitkam jong ka ha ka 2 tarik une u bnai ha Ophis treikam ka seng hi ha kaba ka jingialang ka la jied Secretary thymmai noh da u Boneyfast Rymbai uba dei uwei na ki para ba leh Transport.

Pynshai u ma Balen Thubru halor jingshah wengkam president na ka AJCCTA

Kumba long mynta ka AJCCTA ka la ioh ia u Secretary uba sngewthuh ia ka jingeh ki Transporter namar ba une u Secretary thymmai ruh u dei u Transporter ym satia kum ba long u Secretary barim u bym dei satia u Transporter hynrei la shu thung ia u da kaba siew tulop, la iathuh u ma Balen Thubru.