Pynshlur iashim bynta ID Day ka sorkar lyngba ka ‘Har Ghar Tiranga’

Syllad | The Rising MeghalayaAugust 11, 2023

U Under Secretary General Administration Department ka sorkar Meghalaya u pyntip ba kumba long ha ka snem ba la dep ka jingialap lyngba ka ‘Har Ghar Tiranga’ ban pynshlur ia ki paidbah ba kin rakhe lehkmen ia ka sngi Independence Day jong ka ri kan sdang naduh ka 13 haduh ka 15 tarik Nailar 2023.

Lyngba kane ka jingialap la pynshlur ia ki paidbah ba kin wah ia ki lama lairong jong ka ri ha ki thliew iing jong ki bad ruh ban phah ia ki dur selfie ha ryngkat ka lama ka ri lyngba ka website www.harghartiranga.com.

Lah ban kdew ba ka jingialap lyngba ka ‘Har Ghar Tiranga’ hapoh jong ka ‘Azadi Ka Amrit Mahotsav’, ka dei ka sienjam ba la shim da ka sorkar India ha une u snem ba la dep ban kyntiew bad pynher ia ki lama ka ri ha man ki thliew iing.

Ka jingthmu sha lyndet jong kane ka long ban pynioh ia ka mynsiem ialeh hapoh ki mynsiem jong ki briew bad ban kynmaw ia ka jingiaid lynti jong ka ri India bad na ka bynta kito kiba la noh synniang ban pynlong ia ka ri ba kan kiew shaphrang.