Pynshlur ka DC-EKH ia ki nongshong shnong ban aplai ia ka gas connection bym donkam siew dor

Syllad | The Rising MeghalayaNovember 19, 2023

Ka Deputy Commissioner (Supply), East Khasi Hills District da kane ka pyntip sha ki nongshong shnong jong ka district ba na ka liang ka Sorkar India lyngba ka Tnat  Petroleum and Natural Gas ka la mynjur ban ailad shuh shuh na ka bynta ban aplai ia ka LPG connection ne ki tyndong lyer shet jinghet bym donkam siew dor na ka bynta ki longkmie kiba duna ha ka liang ka ioh ka kot lyngba ka skhim Pradhan Mantri Ujjwala Yojana (PMUY) 3.0 kaba treikam ha baroh kawei ka ri.

Ha kaba iadei ba kane ka jingmyntoi lyngba kane ka skhim, na ka liang ka ophis ka DC (Supply) ka EKHD ka pyntip sha baroh kito ki longiing kiba dei hok ban ioh ba kin leit mih bad ban aplai ia kane ka gas connection ka bym donkam ban siewdor na kino kino ki Gas Agency kiba hajan eh hapoh ka District.

Ka tarik ba khatduh ban phah ia ki aplikeshon kan long ha ka 31 tarik u Nohprah 2023.